Sunan Al Bayhaqi: Hadith 5339

(٥٣٣٩) عبداللہ بن عمرو (رض) سے روایت ہے کہ آپ (صلی اللہ علیہ وآلہ وسلم) نے فرمایا : تین بندوں کی نماز اللہ تعالیٰ قبول نہیں فرماتے : ایسا امام جس کو قوم ناپسند کرتی ہو اور ایسا آدمی جو نماز کا وقت ختم ہونے کے بعد نماز پڑھے، ایسا آدمی جس نے آزاد کو غلام بنادیا۔
امام شافعی (رح) فرماتے ہیں : ایسا بندہ جو امام بنا ہوا ہے لیکن قوم اسے ناپسند کرتی ہے تو اس کی نماز قبول نہیں ہوتی، ایسی عورت جس کا شوہر اس پر ناراض ہو، بھاگا ہوا غلام جب تک واپس نہ لوٹے اور فرمایا : مجھے وہ علت اور وجہ یاد نہیں جس کی بناپر اہل علم اس حدیث کو ثابت کرتے ہیں۔