Sunan Al Bayhaqi: Hadith 5605

(٥٦٠٥) عبد الرحمن بن کعب بن مالک فرماتے ہیں : میں اپنے والد کو مسجد لے کر آتا تھا، جب ان کی نظر ختم ہوگئی۔ ایک مرتبہ میں انھیں جمعہ کے لیے لے کر جا رہا تھا تو اذان سن کر میرے والد نے ابو امامہ اسعد بن زرارہ کے لیے بخشش کی دعا کی۔ میں کچھ وقت رکا اور ان سے یہ سنتا رہا، لیکن سوال نہیں کیا، پھر میں انھیں جمعہ کے لیے لے کر نکلا تو جب انھوں نے جمعہ کی اذان سنی تو اسعد بن زرارہ کے لیے بخشش کی دعا کی۔ میں نے پوچھ لیا : اے ابا جان ! آپ جمعہ کی اذان سن کر اسعد بن زرارہ کے لیے استغفار کرتے ہیں ؟ فرمانے لگے : اے بیٹا ! اسعد پہلے آدمی ہیں جنہوں نے مدینہ میں نبی (صلی اللہ علیہ وآلہ وسلم) کے آنے سے پہلے نقیع کے علاقہ میں بنو بیاضہ کی بستی ھزم میں جمعہ پڑھایا۔ اس کو غضمات کہا جاتا تھا۔ میں نے پوچھا : آپ اس دن کتنے لوگ تھے ؟ فرمایا : چالیس افراد۔