Sunan Al Bayhaqi: Hadith 5721

(٥٧٢١) عبید اللہ بن ابی رافع نقل فرماتے ہیں کہ مروان نے ابوہریرہ (رض) کو مدینہ پر اپنا نائب بنایا اور خود مکہ چلے گئے، پھر ابوہریرہ (رض) نے ہمیں جمعہ پڑھایا۔ پہلی رکعت میں ” سورة جمعہ “ اور دوسری رکعت میں {إِذَا جَائَ کَ الْمُنَافِقُونَ } [المنافقون : ١] پڑھی۔ عبید اللہ کہتے ہیں : میں نے ابوہریرہ (رض) کو پا لیا، جب وہ نماز سے فارغ ہوئے تو میں نے کہا : آپ نے دو سورتوں کی قرأت کی ہے اور حضرت علی (رض) بھی کوفہ میں ان کی قراءت کرتے تھے۔ ابوہریرہ (رض) نے فرمایا : میں نے رسول اللہ (صلی اللہ علیہ وآلہ وسلم) سے سنا، وہ ان دونوں سورتوں کو پڑھا کرتے تھے۔