Sunan Al Bayhaqi: Hadith 5859

(٥٨٥٩) (الف) عمرو بن سلمہ فرماتے ہیں کہ ان کے والد اور ان کی قوم کا وفد نبی (صلی اللہ علیہ وآلہ وسلم) کے پاس آیا ، جب لوگوں نے اسلام قبول کرلیا تاکہ وہ قرآن سیکھیں۔ جب وہ اپنی ضرورت سے فارغ ہوئے تو نبی (صلی اللہ علیہ وآلہ وسلم) سے سوال کیا کہ ہمیں نماز کون پڑھائے ؟ تو آپ (صلی اللہ علیہ وآلہ وسلم) نے فرمایا : جس کو قرآن زیادہ یاد ہو۔ وہ اپنی قوم کے پاس آگئے تو انھوں نے سوال کیا، لیکن کوئی بھی مجھ سے زیادہ قرآن کو جمع کرنے والا اور یاد رکھنے والا نہ تھا۔ میں اس وقت بچہ تھا اور میرے اوپر ایک چادر تھی۔ انھوں نے مجھے آگے کردیا۔ میں نے ان کو نماز پڑھائی ۔ فرماتے ہیں : جب بھی یہ لوگ اکٹھے ہوتے تو میں ان کی امامت کرواتا تھا۔ مسعربن حبیب فرماتے ہیں کہ وہ ان کے جنازے بھی پڑھاتے اور وہ اپنی مساجد میں ہوتے۔
(ب) ایوب سختیانی عمرو سے نقل فرماتے ہیں کہ وہ سات یا چھ سال کے تھے اور ایک روایت میں ہے کہ وہ سات یا آٹھ سال کے تھے۔