Sunan Al Bayhaqi: Hadith 6009

(٦٠٠٩) صالح بن خوات ان سے نقل فرماتے ہیں ، جنہوں نے نبی (صلی اللہ علیہ وآلہ وسلم) کے ساتھ ذات الرقاع میں نمازِ خوف پڑھی تھی کہ ایک گروہ نے آپ (صلی اللہ علیہ وآلہ وسلم) کے ساتھ صف بنائی اور ایک گروہ دشمن کے سامنے کھڑا رہا۔ وہ گروہ جو آپ (صلی اللہ علیہ وآلہ وسلم) کے ساتھ تھا انھوں نے ایک رکعت پڑھی۔ پھر آپ (صلی اللہ علیہ وآلہ وسلم) کھڑے رہے اور انھوں نے بذات خود اپنی نماز مکمل کی، پھر چلے گئے اور دشمن کے سامنے صف بنالی۔ پھر دوسرا گروہ آیا تو انھوں نے آپ (صلی اللہ علیہ وآلہ وسلم) کے ساتھ ایک رکعت پڑھی جو باقی تھی۔ پھر آپ (صلی اللہ علیہ وآلہ وسلم) بیٹھے رہے اور انھوں نے اپنی نماز مکمل کی۔ پھر آپ (صلی اللہ علیہ وآلہ وسلم) نے ان کے ساتھ سلام پھیرا۔