Sunan Al Bayhaqi: Hadith 6070

(٦٠٧٠) عبداللہ بن صفوان فرماتے ہیں کہ حضرت سعد (رض) نے ابن عامر سے اجازت طلب کی تو ان کے نیچے ریشم کا بچھونا تھا۔ انھوں نے اٹھانے کا حکم دیا۔ پھر وہ داخل ہوئے تو اس پر ریشم کی چادر تھی۔ ابن عامر کہنے لگے : اے سعد ! آپ نے اجازت طلب کی تو میرے نیچے ریشم کا بچھونا تھا، میں نے اٹھا دیا۔ سعد فرمانے لگے : اے ابن عامر ! آپ اچھے آدمی ہیں اگر ایسا نہ ہو جو اللہ رب العزت نے فرمایا :{ أَذْہَبْتُمْ طَیِّبَاتِکُمْ فِی حَیَاتِکُمُ الدُّنْیَا }[الأحقاف : ٢٠] کہ تم نے اپنی نیکیوں کا صلہ دنیا میں حاصل کرلیا ۔ پھر فرمایا : اللہ کی قسم ! جھاؤ کی لکڑی کے کوئلے پر لیٹنا مجھے زیادہ محبوب ہے کہ اس پر لیٹوں۔