Sunan Al Bayhaqi: Hadith 6110

(٦١١٠) ابن عمر (رض) فرماتے ہیں کہ حضرت عمر (رض) نے ایک دھاری دار جبہ بازار میں بکتادیکھا۔ وہ ایسا آدمی تھا جو بادشاہوں کے پاس جاتا تھا اور ان سے چیزیں حاصل کرتا تھا۔ حضرت عمر (رض) نے عرض کیا : اے اللہ کے رسول ! میں نے عطارد کے پاس ایک دھاری دار جبہ دیکھا ہے۔ اگر آپ (صلی اللہ علیہ وآلہ وسلم) اس کو وفود اور جمعہ کے لیے خرید لیں تو نبی (صلی اللہ علیہ وآلہ وسلم) نے فرمایا : ریشم دنیا میں وہ پہنتا ہے جس کا آخرت میں کوئی حصہ نہیں۔ اس کے بعد نبی (صلی اللہ علیہ وآلہ وسلم) کے پاس دھاری دار حلے لائے گئے تو نبی (صلی اللہ علیہ وآلہ وسلم) نے ایک حلہ حضرت عمر (رض) کی طرف بھیج دیا اور دوسرا حضرت اسامہ (رض) کو بھیج دیا۔ تیسرا حضرت علی (رض) کو عطا کردیا۔ آپ (صلی اللہ علیہ وآلہ وسلم) نے فرمایا : اپنی عورتوں کے درمیان تقسیم کر دو تو حضرت عمر (رض) وہ حلہ اٹھائے ہوئے آئے اور عرض کیا کہ آپ (صلی اللہ علیہ وآلہ وسلم) نے یہ میری طرف بھیج دیا حالانکہ عطارد کے حلہ کے بارے میں آپ (صلی اللہ علیہ وآلہ وسلم) نے کیا فرمایا تھا ! آپ (صلی اللہ علیہ وآلہ وسلم) نے فرمایا : میں نے تجھے پہننے کے لیے نہیں دیا۔ بلکہ آپ اس سے نفع حاصل کریں اور اسامہ (رض) اپنے حلے میں چلے تو نبی (صلی اللہ علیہ وآلہ وسلم) نے دیکھا، اسامہ (رض) پہچان گئے کہ نبی (صلی اللہ علیہ وآلہ وسلم) نے اچھا نہیں جانا۔ کہنے لگے : اے اللہ کے رسول ! آپ (صلی اللہ علیہ وآلہ وسلم) نے بھیجا ہے پھر بھی آپ (صلی اللہ علیہ وآلہ وسلم) میری طرف اس طرح دیکھ رہے ہیں ؟ آپ (صلی اللہ علیہ وآلہ وسلم) نے فرمایا : میں نے تجھے پہننے کے لیے نہیں دیا بلکہ تو اپنی عورتوں کے درمیان اس کو تقسیم کر دے تاکہ وہ اس سے دوپٹہ بنالیں۔