Sunan Al Bayhaqi: Hadith 6292

(٦٢٩٢) ابو عبید مولی ابن ازھر فرماتے ہیں کہ وہ عید الاضحی کے موقع پر حضرت عمر (رض) کے ساتھ حاضر ہوئے۔ انھوں نے نماز پڑھائی، پھر خطبہ ارشاد فرمایا کہ اے لوگو ! رسول اللہ (صلی اللہ علیہ وآلہ وسلم) نے عیدین میں روزہ رکھنے سے منع فرمایا ہے۔ ایک تو وہ دن ہے کہ تم اپنے روزوں کو افطار کرتے ہو ، یعنی عید الفطر مناتے ہو اور دوسرا وہ دن جس میں تم اپنی قربانیوں کے گوشت کھاتے ہو۔ ابو عبید فرماتے ہیں : پھر میں عثمان بن عفان (رض) کے ساتھ حاضر ہوا تو یہ عید بھی جمعہ کے دن تھی۔ انھوں نے بھی نماز خطبہ سے پہلے پڑھائی، پھر خطبہ ارشاد فرمایا کہ اے لوگو ! اس دن تمہارے لیے دو عیدیں جمع ہوگئی ہیں تو عوالی والوں میں سے جو جمعہ کا انتظار کرنا چاہے وہ انتظار کرسکتا ہے اور جو واپس جانا چاہے جاسکتا ہے۔ میں اجازت دیتا ہوں۔
ابوعبید فرماتے ہیں : پھر میں حضرت علی (رض) کے ساتھ حاضر ہوا تو انھوں نے بھی نمازِ عید خطبہ سے پہلے پڑھائی، پھر خطبہدیا اور فرمایا کہ رسول اللہ (صلی اللہ علیہ وآلہ وسلم) نے فرمایا : تم اپنی قربانیوں کے گوشت تین دن سے زیادہ نہ کھاؤ۔