Sunan Al Bayhaqi: Hadith 6334

(٦٣٣٤) (الف) عبد الرحمن بن سمرہ (رض) فرماتے ہیں کہ میں اپنے تیروں کے ساتھ نبی (صلی اللہ علیہ وآلہ وسلم) کی زندگی میں کھیل رہا تھا۔ اچانک سورج گرہن لگا، میں نے ان کو پھینک دیا اور میں نے کہا : میں ضرور دیکھوں گا کہ آج سورج گرہن کے موقع پر نبی (صلی اللہ علیہ وآلہ وسلم) کیا کرتے ہیں۔ میں آپ تک پہنچا آپ (صلی اللہ علیہ وآلہ وسلم) اپنے ہاتھوں کو اٹھائے ہوئے تسبیح ‘ تحمید ‘ تحلیل وتکبیر اور دعا کر رہے تھے یہاں تک کہ سورج گرہن ختم ہوگیا، آپ (صلی اللہ علیہ وآلہ وسلم) نے دو سورتیں پڑھیں اور دو رکعت نماز پڑھائی۔
(ب) آپ (صلی اللہ علیہ وآلہ وسلم) نے دو سورتیں پڑھیں اور دو رکعت نماز پڑھائی، اس سے یہ مراد ہوسکتا ہے کہ آپ (صلی اللہ علیہ وآلہ وسلم) نے ہر رکعت میں دو رکوعکیے جیسا کہ یہ بات ثابت ہوچکی ہے۔