Sunan Al Bayhaqi: Hadith 6379

(٦٣٧٩) (الف) عکرمہ (رض) فرماتے ہیں کہ ابن عباس (رض) سے کہا گیا کہ نبی (صلی اللہ علیہ وآلہ وسلم) کی فلاں بیوی فوت ہوگئی ہے۔ وہ سجدے میں گرپڑے۔ کہا گیا کہ کیا آپ اس وقت سجدہ کرتے ہیں ؟ تو فرمانے لگے کہ نبی (صلی اللہ علیہ وآلہ وسلم) نے فرمایا : جب تم کوئی نشانی دیکھو تو سجدہ کرو تو کونسی نشانی ہے نبی (صلی اللہ علیہ وآلہ وسلم) کی بیویوں کی جانے سے بڑی ہوسکتی ہے ؟
(ب) قاضی کی روایت میں ہے کہ ہم نے مدینہ میں ایک آواز سنی تو ابن عباس مجھ سے کہنے لگے : اے عکرمہ ! دیکھو یہ آواز کیسی ہے ؟ فرماتے ہیں کہ میں گیا اور پایا کہ نبی (صلی اللہ علیہ وآلہ وسلم) کی بیوی حضرت صفیہ بنت حیی فوت ہوچکی ہیں۔
فرماتے ہیں کہ میں ابن عباس (رض) کیپ اس آیا تو ان کو سجدہ کی حالت میں پایا حالانکہ ابھی سورج طلوع نہیں ہوا تھا۔
میں نے کہا کہ سبحان اللہ ! ابھی سورج طلوع نہیں ہوا ، آپ (صلی اللہ علیہ وآلہ وسلم) نے تو سجدہ بھی کردیا تو فرمانے لگے : ” کیا نبی (صلی اللہ علیہ وآلہ وسلم) نے نہیں فرمایا تھا کہ جب تم کوئی نشانی دیکھو تو سجدہ کرو تو اس سے بڑی نشانی کیا ہوسکتی ہے کہ امہات المؤمنین ہمارے درمیان سے جا رہی ہیں اور ہم زندہ ہیں ؟