Sunan Al Bayhaqi: Hadith 6428

(٦٤٢٨) عبداللہ بن مسعود سے روایت ہے کہ جب پیارے پیغمبر نے لوگوں کو دین سے منہ موڑتے دیکھا تو آپ نے بد دعا کی : (اللَّہُمَّ سَبْعٍ کَسَبْعِ یُوسُف) اے اللہ ! انھیں یوسف جیسی قحط سالی سے دو چار کر۔ تو انھیں قحط سالی نے آلیا یہاں تک کہ انھوں مردار چمڑے اور ہڈیاں تک کھائیں تو ابو سفیان اور اہل مکہ پیارے پیغمبر کے پاس آئے اور کہنے لگے کہ اے محمد ! تیرا خیال ہے کہ تو رحمت بنا کر بھیجا گیا ہے اور تیری قوم ہلاک ہو رہی ہے تو ان کیلئے اللہ سے دعا کر ۔ پیارے پیغمبر (صلی اللہ علیہ وآلہ وسلم) نے اللہ تعالیٰ سے دعا کی ۔ ان کو بارش دے دی گئی اور سات دن متواتر بارش ہوتی رہی، پھر لوگوں نے بارش کے زیادہ ہوجانے کی شکایت کی تو آپ نے فرمایا (اللَّہُمَّ حَوَالَیْنَا وَلاَ عَلَیْنَا) اے اللہ ! اسے ہمارے ارد گرد برسا اور ہم پر نہ برسا تو بادل آپ (صلی اللہ علیہ وآلہ وسلم) کے سر سے چھٹ گئے ۔ راوی کہتے ہیں کہ ارد گرد کے لوگوں پر بارش ہوتی رہی۔ ابن مسعود کہتے ہیں : جو آیت دخان گزری ہے اس سے وہی قحط سالی مراد ہے جو انھیں پہنچی اور یہی اللہ تعالیٰ کا فرمان ہے کہ (بیشک ہم عذاب کو تھوڑی دیر کے لیے ہٹانے والے ہیں کیونکہ تم پھر لوٹنے والے ہو )[الدخان : ١٥] سو رہ روم کی آیت ّ ” بطشۃ الکبریٰ “ یوم بدر اور اشقاق القتر ہے۔ ١ ؎