Sunan Al Bayhaqi: Hadith 6462

(٦٤٦٢) سیدہ عائشہ (رض) آپ (صلی اللہ علیہ وآلہ وسلم) کی بیوی بیان کرتی ہیں کہ میں نے کبھی نہیں دیکھا کہ آپ (صلی اللہ علیہ وآلہ وسلم) کھلکھلا کے ہنسے ہوں کہ آپ کی ڈاڑھیں بھی دکھائی دیں۔ آپ (صلی اللہ علیہ وآلہ وسلم) تو صرف مسکرایا کرتے تھے اور وہ کہتی ہیں : جب آپ (صلی اللہ علیہ وآلہ وسلم) بادل دیکھتے یا آندھی تو آپ (صلی اللہ علیہ وآلہ وسلم) کے چہرے سے محسوس ہوجاتا تو میں نے کہا : اے اللہ کے رسول ! جب لوگ بادل دیکھتے ہیں تو خوش ہوتے ہیں اس امید سے کہ اس میں بارش ہوگی۔ میں آپ کو دیکھتی ہوں کہ جب آپ (صلی اللہ علیہ وآلہ وسلم) دیکھتے ہیں تو ناپسندیدگی آپ کے چہرے سے عیاں ہوتی ہے ؟ تو آپ (صلی اللہ علیہ وآلہ وسلم) نے فرمایا : مجھے کون سی چیز اس سے بےخوف کرسکتی ہے کہ اس میں عذاب ہو، جبکہ قوموں کو آندھی کے ساتھ عذاب دیا گیا اور ایسے ہی قوم نے عذاب بھی دیکھا ۔ پھر آپ (صلی اللہ علیہ وآلہ وسلم) نے یہ آیت تلاوت کی ” سو جب انھوں نے اسے اپنی وادیوں کی طرف آتے ہوئے دیکھا تو کہنے لگے : یہ آنے والا ہمیں بارش دے گا “۔ [الأحقاف : ٢٤]