Sunan Al Bayhaqi: Hadith 6463

(٦٤٦٣) نبی کریم (صلی اللہ علیہ وآلہ وسلم) کی زوجہ سیدہ عائشہ (رض) فرماتی ہیں کہ جب آندھی چلتی تو آپ کہتے : ” اے اللہ ! میں تجھ سے اس کی خیرو برکت اور جو اس میں خیرو برکت ہے وہ مانگتا ہوں اور وہ بھلائی مانگتا ہوں جس کے ساتھ وہ بھیجی گئی ہے اور تجھ سے اس کے شر اور جو اس میں ہے اور جس شر کے ساتھ وہ بھیجی گئی ہے اس سے پناہ مانگتا ہوں اور سیدہ کہتی ہیں کہ جب آسمان ابرآ لود ہوجاتا تو آپ (صلی اللہ علیہ وآلہ وسلم) کا رنگ تبدیل ہوجاتا۔ کبھی آپ باہر نکلتے کبھی اندر داخل ہوتے کبھی آتے کبھی جاتے۔ جب بارش برستی تو آپ (صلی اللہ علیہ وآلہ وسلم) اس سے خوش ہوجاتے اور اس بات کو جب انھوں نے جان لیا تو آپ سے پوچھا۔ آپ نے فرمایا : اے عائشہ ! جیسے قوم عاد کے ساتھ اہو شاید ایسا ہو ” جب انھوں نے اس بادل کو اپنی وادیوں کی طرف بڑھتے دیکھا تو کہنے لگے : یہ بادل ہمیں بارش دے گا “۔