Sunan Al Bayhaqi: Hadith 6499

(٦٤٩٩) عبداللہ بن بریدہ بن حصیب اپنے باپ سے بیان کرتے ہیں کہ بیشک رسول اللہ (صلی اللہ علیہ وآلہ وسلم) نے فرمایا : ہمارے اور ان کافروں کے درمیان جو عہد ہے وہ نماز ہے سو جس نے اسے (نماز کو) چھوڑا ، اس نے کفر کیا۔
علی (رض) کہتے ہیں کہ آپ (صلی اللہ علیہ وآلہ وسلم) نے فرمایا : باقی اعمال برابر ہیں اور عمر بن خطاب سے روایت ہے کہ وہ خیال کرتے تھے : اسلام میں اس کا کوئی حصہ نہیں جس نے نماز ترک کی اور علی (رض) سے روایت ہے کہ ” جس نے نماز نہ پڑھی وہ کافر ہوا اور عبداللہ بن مسعود (رض) کہتے ہیں : جس نے نماز نہ پڑھی اس کا کوئی دین نہیں۔