Sunan Al Bayhaqi: Hadith 6798

(٦٧٩٨) حضرت انس (رض) سے روایت ہے کہ جب غزوہ احد ہوا تو آپ (صلی اللہ علیہ وآلہ وسلم) حمزہ بن عبد المطلب کے پاس سے گزرے۔ انھیں کاٹا گیا اور مثلہ کیا گیا تھا تو آپ (صلی اللہ علیہ وآلہ وسلم) نے فرمایا : اگر پھوپھی صفیہ (رض) نے نہ دیکھا ہوتا تو میں اسے یوں ہی چھوڑ دیتا حتیٰ کہ اللہ تعالیٰ اسے پرندوں اور درندوں کے پیٹوں سے اکٹھا کرتا۔ پھر انھیں کفن دیا گیا ایک ٹاٹ میں جس سے سر ڈھانپا جاتا تو پاؤں ظاہر ہوجاتے اور جب پاؤں ڈھانپے جاتے تو سر ننگا ہوجاتا تو پھر ان کا سر ڈھانپ دیا گیا اور تمام شہداء میں سے کسی کی نماز جنازہ نہ پڑھی گئی۔ پھر آپ (صلی اللہ علیہ وآلہ وسلم) نے فرمایا : میں آج کے دن تم پر گواہ ہوں اور آپ ایک ہی قبر میں دو دو تین تین کو جمع کر رہے تھے اور آپ (صلی اللہ علیہ وآلہ وسلم) پوچھتے کہ قرآن زیادہ جاننے والا کون ہے ، سو اسے لحد میں پہلے اتارا جاتا اور دو تین آدمیوں کو ایک ہی کفن میں جمع کیا گیا۔
علی بن عمر حافظ کہتے ہیں : بات ایسے ہی ہے کہ آپ (صلی اللہ علیہ وآلہ وسلم) نے کسی کا جنازہ (شہداء میں سے) نہیں پڑھا۔ ابو عیسیٰ کہتے ہیں : میں نے اس کے بارے میں امام بخاری سے پوچھا تو انھوں نے کہا : جابر بن عبداللہ کی حدیث حسن ہے اور اسامہ بن زید کی حدیث غیر محفوظ ہے۔