Sunan Al Bayhaqi: Hadith 6829

(٦٨٢٩) عمران بن حصین بیان کرتے ہیں کہ قبیلہ جہینہ کی ایک عورت رسول اللہ (صلی اللہ علیہ وآلہ وسلم) کے پاس آئی اور وہ زنا سے حاملہ تھی تو آپ (صلی اللہ علیہ وآلہ وسلم) نے ان کے سر پر پرستوں کو اس سے حسن سلوک کا حکم دیا اور فرمایا : جب وہ وضع حمل کرلے تو اسے میرے پاس لاؤ تو انھوں نے ایسا ہی کیا۔ آپ (صلی اللہ علیہ وآلہ وسلم) نے حکم دیا اور اس کے کپڑوں کو اس پر باندھ دیا گیا ۔ پھر اسے رجم کرنے کا حکم دیا گیا اور وہ رجم کردی گئی۔ پھر آپ (صلی اللہ علیہ وآلہ وسلم) نے اس کا جنازہ پڑھا تو عمر (رض) نے کہا : اے اللہ کے رسول ! کیا آپ اس کا جنازہ پڑھیں گے ، اس نے زنا کیا ہے ! تو آپ (صلی اللہ علیہ وآلہ وسلم) نے فرمایا کہ اس نے ایسی توبہ کی ہے کہ اگر اسے اہل مدینہ پر تقسیم کردیا جائے تو وہ ان پر وافر ہوجائے ۔ کیا تو نے کوئی چیز اس سے بہتر پائی ہے ، یعنی توبہ میں اس نے اپنی جان قربان کردی ہے۔