Sunan Al Bayhaqi: Hadith 684

(٦٨٥) (الف) سیدنا ابن عباس (رض) اللہ کے ارشاد { وَإِذِ ابْتَلَی إِبْرَاہِیمَ رَبُّہُ بِکَلِمَاتٍ } کے متعلق فرماتے ہیں کہ اللہ تعالیٰ نے طہارت کے ساتھ آزمایا ہے : پانچ کا تعلق سر سے ہے اور پانچ کا جسم سے ہے۔ سر والی یہ ہیں : ” مونچھیں کاٹنا ‘ کلی کرنا ‘ ناک میں پانی چڑھانا ‘ مسواک کرنا ‘ مانگ نکالنا اور جسم والی یہ ہیں : ناخن کاٹنا ‘ زیر ناف بال مونڈنا ‘ ختنہ کرنا ‘ بغلوں کے بال اکھیڑنا ‘ قضائے حاجت اور پیشاب کی جگہ کو پانی سے دھونا۔
(ب) سیدہ عائشہ (رض) نبی (صلی اللہ علیہ وآلہ وسلم) سے نقل فرماتی ہیں : ” دس چیزیں فطرت میں سے ہیں، پھر ان کا ذکر کیا اور داڑھی بڑھانے اور پوروں کو دھونے کا ذکر بھی کیا، مگر ختنہ کرنے اور مانگ نکالنے کا ذکر نہیں کیا۔