Sunan Al Bayhaqi: Hadith 7325

(٧٣٢٤) سیدنا ابوہریرہ (رض) فرماتے ہیں کہ جب رسول کریم (صلی اللہ علیہ وآلہ وسلم) فوت ہوئے تو آپ (صلی اللہ علیہ وآلہ وسلم) کے بعد ابوبکر (رض) نے خلافت اختیار کی اور عرب میں جس نے انکار کرنا تھا کیا تو عمر (رض) نے کہا : اے ابوبکر (رض) ! آپ لوگوں سے کیسے لڑائی کریں گے جب کہ رسول اللہ (صلی اللہ علیہ وآلہ وسلم) نے فرمایا : میں حکم دیا گیا ہوں کہ لوگوں سے تب تک لڑائی کروں جب تک وہ لاَ إِلَہَ إِلاَّ اللَّہُ کا اقرار نہ کرلیں اور جس نے لاَ إِلَہَ إِلاَّ اللَّہُ کا اقرار کرلیا ۔ اس نے مجھ سے اپنے مال وجان کو محفوظ کرلیا۔ مگر اس کے حق سے نہیں اور پھر اس کا حساب اللہ تعالیٰ پر ہے تو ابوبکر صدیق (رض) نے فرمایا : میں اس سے بھی لڑوں گا جس نے نماز و زکوۃ میں تفریق کی اور زکوۃ مال کا حق ہے اللہ کی قسم ! اگر وہ مجھ سے زکوۃ کا ایک بچہ بھی روکیں گے جو وہ رسول اللہ (صلی اللہ علیہ وآلہ وسلم) کے دور میں ادا کیا کرتے تھے تو اس کے روکنے کی وجہ سے میں ان سے لڑائی کروں گا تو عمر (رض) نے کہا : اللہ کی قسم ! میں نے دیکھا ہے کہ اللہ تعالیٰ نے حق ان کے دل پر کھول دیا لڑائی کرنے کے لیے یہاں تک کہ میں نے جان لیا کہ یہی حق (درست) ہے۔