Sunan Al Bayhaqi: Hadith 7567

(٧٥٦٤) عبداللہ بن عمر (رض) فرماتے ہیں کہ رسول اللہ (صلی اللہ علیہ وآلہ وسلم) نے چاندی کی انگوٹھی بنوائی جسے اپنے ہاتھ میں پہنا کرتے تھے، پھر آپ (صلی اللہ علیہ وآلہ وسلم) کے بعد ابوبکر کے ہاتھ میں تھی پھر عمر (رض) کے ہاتھ میں ، پھر وہ عثمان (رض) کے ہاتھ میں تھی کہ وہ ان سے ارسیں کنویں میں گرگئی جس پر محمد رسول اللہ (صلی اللہ علیہ وآلہ وسلم) لکھا ہوا تھا۔
عبد العزیز بن ابو رواد ابن عمر (رض) کے حوالے سے نقل فرماتے ہیں کہ نبی (صلی اللہ علیہ وآلہ وسلم) نے بائیں ہاتھ میں انگوٹھی پہنتے تھے۔ نافع فرماتے ہیں کہ ابن عمر (رض) بائیں ہاتھ میں انگوٹھی پہنتے تھے مگر اس بات کا احتمال ہے کہ جسے آپ (صلی اللہ علیہ وآلہ وسلم) نے دائیں ہاتھ میں پہنا ہو وہ سونے کی انگوٹھی ہو اور جسے پھینک دیا تھا وہ بائیں ہاتھ میں تھی۔ وہ چاندی کی انگوٹھی تھی، یہ دور وایتوں کی تطبیق ہے۔