Sunan Al Bayhaqi: Hadith 8158

(٨١٥٥) انس بن مالک (رض) فرماتے ہیں کہ ہم ایک سفر میں رسول اللہ (صلی اللہ علیہ وآلہ وسلم) کے ساتھ تھے، اکثر سایہ کیے ہوئے تھے جو کپڑے وغیرہ سے سایہ حاصل کیا جاتا تھا ، لیکن جو بےروزہ تھے ، انھوں نے سواریوں کو پانی پلایا اور ان کو تیار کیا اور آرام دیا۔ لیکن جو روزے دار تھے انھوں نے ایسا کچھ بھی نہ کیا تو رسول اللہ (صلی اللہ علیہ وآلہ وسلم) نے فرمایا : افطار کرنیوالے اجر میں آگے بڑھ گئے ہیں۔
ابومعاویہ نے اپنی حدیث میں بیان کیا کہ ہم نبی (صلی اللہ علیہ وآلہ وسلم) کے ساتھ ایک سفر میں تھے۔ ہم میں سے کچھ صائم اور کچھ بےروزہ تھے۔ ایک گرم دن میں ہم ایک جگہ اترے ۔ ہم میں سے کپڑوں والے اکثر سائے میں تھے ۔ سو ہم میں سے وہ بھی ہاتھوں کے ساتھ سورج سے بچ رہے تھے تو روزے دار گرپڑے اور بےروزہ کھڑے رہے تو انھوں نے خیمے لگائے اور سواریوں کو پانی پلایا تو رسول اللہ (صلی اللہ علیہ وآلہ وسلم) نے فرمایا : آج بےروزہ اجر میں سبقت لے گئے۔