Sunan Al Bayhaqi: Hadith 838

(٨٤٩) (الف) سیدنا ابن عباس (رض) اپنی خالہ میمونہ (رض) سے نقل فرماتے ہیں کہ میں نے رسول اللہ (صلی اللہ علیہ وآلہ وسلم) کے لیے غسل کا پانی رکھا، آپ (صلی اللہ علیہ وآلہ وسلم) نے غسل جنابت کیا، پھر آپ (صلی اللہ علیہ وآلہ وسلم) نے برتن کو بائیں ہاتھ کے ساتھ اپنے دائیں ہاتھ پر انڈیلا اور اپنی ہتھیلیوں کو تین مرتبہ دھویا، پھر شرم گاہ پر پانی بہاکر اس کو دھویا، پھر ہاتھ زمین پر یا دیوار پر مارا ، اس کو ملا ، پھر کلی کی اور ناک میں پانی چڑھایا اور اپنا چہرہ اور بازو دھوئے اور اپنے سر پر پانی بہایا، پھر اپنے سارے جسم پر پانی بہایا ۔ پھر (اس جگہ سے) الگ ہوئے، اپنے پاؤں دھوئے، میں آپ (صلی اللہ علیہ وآلہ وسلم) کے لیے کپڑا لے کر آئی، آپ (صلی اللہ علیہ وآلہ وسلم) نے اپنے ہاتھ سے اشارہ کیا یعنی اس کو واپس کردیا۔
(ب) ایک روایت میں ہے کہ پھر اپنے سارے جسم کو دھویا اور وضو کی جگہوں کو دوبارہ نہیں دھویا۔