Sunan Al Bayhaqi: Hadith 8562

(٨٥٥٩) عبداللہ بن عباس (رض) بیان کرتے ہیں کہ میں عمر (رض) کے پاس تھا اور ان کے پاس دیگر ساتھی بھی تھے تو عمر (رض) نے ان سے پوچھا کہ لیلۃ القدر کے بارے جو رسول اللہ (صلی اللہ علیہ وآلہ وسلم) کا فرمان ہے کہ ( (الْتَمِسُوہَا فِی الْعَشْرِ الأَوَاخِرِ وِتْرًا) ) تم کونسی رات سمجھتے ہو تو ان میں سے بعض نے کہا : پہلی رات اور بعض نے کہا : تیسری رات اور ان میں سے بعض نے کہا : پانچویں رات اور بعض نے کہا : ساتویں رات اور میں خاموش تھا تو انھوں نے کہا : تو کیوں خاموش ہے کلام کیوں نہیں کرتا ؟ میں نے کہا : آپ نے مجھے کہا کہ جب تک وہ کلام کریں میں کلام نہ کروں۔ انھوں نے کہا : میں نے پیغام اس لیے بھیجا کہ تو بھی کلام کرے۔ میں نے کہا : میں نے سنا ہے کہ اللہ سبحانہ و تعالیٰ سات کا تذکرہ کرتے ہیں کہ سات آسمان اور ایسی ہی سات زمینیں اور انسان بھی سات ہی چیزوں پر بنایا گیا ۔ زمین کی پیداوار بھی سات اقسام میں ہے تو عمر (رض) نے کہا : یہ جو آپ نے خبر دی ہے میں نہیں جانتا۔ لہٰذا مجھے بتاؤ یہ بات کہ زمین کی پیداوارسات ہیں وہ کیا ؟ انھوں نے کہا : اللہ تعالیٰ فرماتے ہیں {إِنَّا شَقَقْنَا الأَرْضَ شَقًّا فَأَنْبَتْنَا فِیہَا حَبًّا وَعِنَبًا وَقَضْبًا وَزَیْتُونًا وَنَخْلاً وَحَدَائِقَ غُلْبًا } سے مراد کھجوروں کے باغات ہیں اور درختوں { وَفَاکِہَۃً وَأَبَا } سے الاب سے مراد جب زمین اگاتی ہے اور جانور و چوپائے کھاتے ہیں انسان نہیں کھاتا وہ کہتے ہیں تو عمر (رض) نے کہا : اپنے ساتھیوں سے تم عاجز آچکے ہولاجواب ہوچکے کہ تم بھی ایسی بات کہتے جو اس بچے نے کہی ہے جس کے دماغ کی شریانیں ابھی مکمل نہیں ہوئیں ۔ اللہ کی قسم ! میں بھی یہی خیال کرتا ہوں جو اس کا ہے۔