Sunan Al Bayhaqi: Hadith 8603

(٨٦٠٠) سیدہ عائشہ (رض) بیان کرتی ہیں کہ آپ (صلی اللہ علیہ وآلہ وسلم) نے رمضان کے آخری عشرے میں اعتکاف کیا تو آپ (صلی اللہ علیہ وآلہ وسلم) سے عائشہ (رض) نے اجازت طلب کی آپ (صلی اللہ علیہ وآلہ وسلم) نے اجازت دے دی تو حفصہ (رض) نے عائشہ (رض) سے پوچھا کہ وہ بھی اجازت لے لے تو انھوں نے بھی اجازت لی۔ جب زینب بنت جحش نے یہ دیکھا تو انھوں نے اپنے لیے خیمہ لگانے کا حکم دے دیا۔ راوی بیان کرتے ہیں : جب رسول اللہ (صلی اللہ علیہ وآلہ وسلم) نماز کے بعد خیمے کی طرف پلٹے تو آپ (صلی اللہ علیہ وآلہ وسلم) نے بہت سے خیمے دیکھے۔ آپ (صلی اللہ علیہ وآلہ وسلم) نے فرمایا : یہ کیسے خیمے ہیں ؟ انھوں نے کہا : عائشہ (رض) ، حفصہ (رض) ، زینب (رض) کے تو آپ (صلی اللہ علیہ وآلہ وسلم) نے فرمایا : یہ اس سے نیکی چاہتی ہیں۔ میں معتکف نہیں ہوں۔ سو آپ (صلی اللہ علیہ وآلہ وسلم) پلٹ آئے ۔ جب روزے ختم کیے تو تب آپ (صلی اللہ علیہ وآلہ وسلم) نے شوال کے عشرے میں اعتکاف کیا۔