Sunan Al Bayhaqi: Hadith 8707

(٨٧٠٤) کعب بن عجرۃ (رض) فرماتے ہیں کہ رسول اللہ (صلی اللہ علیہ وآلہ وسلم) میرے پاس حدیبیہ میں کھڑے ہوئے اور میرے سر سے جوئیں گر رہی تھیں، آپ (صلی اللہ علیہ وآلہ وسلم) نے پوچھا : کیا تیری جوئیں تجھے تکلیف دے رہی ہیں ؟ میں نے عرض کیا : جی ہاں، تو فرمایا : اپنا سرمنڈوا دے تو میرے بارے میں ہی یہ آیت نازل ہوئی، ” پس جو شخص بھی تم میں سے مریض ہو یا اس کے سر میں تکلیف ہو تو وہ روزے یا صدقہ یا قربانی کا فدیہ دے دے، رسول اللہ (صلی اللہ علیہ وآلہ وسلم) نے فرمایا : تین دن کے روزے رکھ لے یا ایک فرق چھ آدمیوں کے درمیان صدقہ کر دے یا جو قربانی میسر آئے وہ قربانی دے دے۔