Sunan Al Bayhaqi: Hadith 8706

(٨٧٠٣) امام شافعی (رض) فرماتے ہیں کہ حج رسول اللہ (صلی اللہ علیہ وآلہ وسلم) پر ہجرت کے بعد فرض ہوا اور مکہ آپ (صلی اللہ علیہ وآلہ وسلم) نے رمضان کے مہینے میں فتح فرمایا اور وہاں سے شوال کو نکلے ، وہاں عتاب بن اسید کو خلیفہ مقرر کیا تو اس نے رسول اللہ (صلی اللہ علیہ وآلہ وسلم) کے حکم کے مطابق مسلمانوں کے لیے حج کا اہتمام کیا جب کہ آپ (صلی اللہ علیہ وآلہ وسلم) مدینہ میں تھے اور آپ کی ازواج مطہرات بھی اور اکثر صحابہ بھی ، حالاں کہ آپ (صلی اللہ علیہ وآلہ وسلم) حج کرسکتے تھے، پھر آپ (صلی اللہ علیہ وآلہ وسلم) غزوہ تبوک سے واپس آئے تو ابوبکر (رض) کو بھیجا ، انھوں نے نویں سال لوگوں کو حج کروایا اور رسول اللہ (صلی اللہ علیہ وآلہ وسلم) مدینہ میں ہی تھے، آپ حج کرنے کی قدرت رکھتے تھے، لیکن آپ (صلی اللہ علیہ وآلہ وسلم) نے آپ کی ازواج مطہرات نے اور آپ (صلی اللہ علیہ وآلہ وسلم) کے اصحاب میں سے کسی نے بھی حج نہ کیا حتیٰ کہ ہجرت کے دسویں سال آپ نے حج فرمایا : تو ہم اس بات سے یہ استدلال کرتے ہیں کہ حج کا فریضہ بلوغت سے لے کر موت سے پہلے پہلے ایک مرتبہ عمر بھر میں عائد ہوتا ہے۔
شیخ فرماتے ہیں : یہ بات جو امام شافعی (رض) نے ذکر کی ہے، آثار اور تواریخ (کی کتب) میں موجود ہے، رہی وہ بات جو انھوں نے ذکر کی کہ فریضہ حج کا نزول ہجرت کے بعد ہے تو ان کی بات درست ہے، ہمارے اصحاب نے کعب بن عجرہ کی روایت سے استدلال کیا ہے کہ اس کی فرضیت (صلح) حدیبیہ کے وقت کی ہے۔