Sunan Al Bayhaqi: Hadith 8812

(٨٨٠٩) جابر بن عبداللہ (رض) فرماتے ہیں کہ اس سفر حج کے دوران سیدہ عائشہ (رض) حائضہ ہوگئیں تو انھوں نے تمام تر مناسک حج ادا کیے، لیکن بیت اللہ کا طواف نہ کیا تو جب وہ پاک ہوئیں تو پھر طواف کیا اور کہا : اے اللہ کے رسول (صلی اللہ علیہ وآلہ وسلم) ! آپ تو حج و عمرہ دونوں ادا کر کے جائیں اور میں صرف حج ہی کر کے جاؤں ؟ تو آپ (صلی اللہ علیہ وآلہ وسلم) نے عبدالرحمن بن ابی بکر کو حکم دیا کہ وہ اسے لے کر تنعیم جائے تو آپ نے حج کے بعد ذوالحجہ میں ہی عمرہ کیا اور سراقہ بن مالک بن جعشم جمرہ عقبہ کے پاس رسول اللہ (صلی اللہ علیہ وآلہ وسلم) کو ملے اور پوچھا کہ کیا یہ آپ کے لیے خاص ہے ؟ تو آپ (صلی اللہ علیہ وآلہ وسلم) نے فرمایا : بلکہ ہمیشہ کے لیے ہے۔