Sunan Al Bayhaqi: Hadith 9316

(٩٣١١) عبداللہ بن سفیان فرماتے ہیں کہ میں عبداللہ بن عمر (رض) کے ساتھ بیٹھا تھا کہ ایک عورت آئی اور پوچھنے لگی : میں بیت اللہ کا طواف کرنے کی غرض سے آئی تھی حتیٰ کہ جب میں مسجد کے دروازے کے پاس پہنچی تو خون بہنا شروع ہوگیا، پھر میں چلی گئی ۔ جب خون بند ہوا تو میں پھر آئی جب مسجد کے دروازے کے پاس پہنچی تو خون شروع ہوگیا تو میں واپس چلی گئی ، جب خون بند ہوا تو میں آئی اور جب مسجد کے دروازے پر پہنچی تو پھر خون بہنا شروع ہوگیا۔ عبداللہ بن عمر (رض) نے فرمایا : یہ شیطان کا چوکا ہے، غسل کر اور لنگوٹا کس لے، پھر طواف کرلے۔