Sunan Al Bayhaqi: Hadith 9363

(٩٣٥٨) عروہ بن زبیر بن العوام (رض) فرماتے ہیں کہ میں نے عائشہ (رض) نے کہا کہ میں سمجھتا ہوں، اگر کوئی آدمی صفا ومروہ کا طواف چھوڑ دے تو اس کو کوئی نقصان نہ ہوگا، انھوں نے کہا : کیوں ؟ میں نے کہا : اللہ تعالیٰ فرماتے ہیں : صفا ومروہ اللہ کے شعائر میں سے ہے تو جس نے حج یا عمرہ کیا تو اس پر ان دونوں کا طواف کرنے میں کوئی حرج نہیں ہے تو انھوں نے کہا : اے میرے بھانجے ! اگر ایسی بات ہوتی جو تو کہتا ہے تو ہونا چاہیے تھا کہ ” ان کا طواف نہ کرنے میں حرج نہیں ہے اس شخص کا حج و عمرہ مکمل نہیں جس نے صفاو مروہ کا طواف نہ کیا۔ کیا تجھے علم ہے یہ کس بارے میں نازل ہوئی ؟ انصار سمندر کے کنارے ایک بت کے لیے تلبیہ کہتے تھے، پھر وہ آتے اور صفا ومروہ کا طواف کرتے اور سر منڈواتے تو جب اسلام آیا تو انھوں نے اس وجہ سے جو وہ جاہلیت میں کیا کرتے تھے ان دونوں کے درمیان طواف کرنا ناپسند کیا تو اللہ نے یہ آیت نازل کردی : یقیناً صفا ومروہ۔۔۔ الخ تو لوگ آئے اور انھوں نے طواف کیا۔
(ب) ابو معاویہ ہشام سے روایت کرتے ہیں کہ یہ آیت ان لوگوں کے بارے میں نازل ہوئی جو جاہلیت میں صفا مروہ کے درمیان طواف کرتے تھے۔
(ج) مالک کی روایت میں ہے کہ یہ آیت ان کے بارے میں نازل ہوئی جو ان دونوں کے درمیان طواف نہیں کرتے تھے، احتمال ہے کہ دونوں قول درست نہیں۔