Sunan Al Bayhaqi: Hadith 9460

(٩٤٥٥) جابر (رض) حجۃ الاسلام کے بارے میں فرماتے ہیں کہ نبی (صلی اللہ علیہ وآلہ وسلم) موقف کی طرف گئے ، عرفہ میں لوگوں کو پہلا خطبہ دیا۔ پھر بلال نے اذان کہی۔ پھر نبی (صلی اللہ علیہ وآلہ وسلم) نے دوسرا خطبہ شروع کردیا ۔ جب آپ (صلی اللہ علیہ وآلہ وسلم) خطبہ اور بلال اذان سے فارغ ہوئے تو بلال (رض) نے اقامت کہی ، آپ (صلی اللہ علیہ وآلہ وسلم) نے ظہر پڑھائی ۔ پھر اقامت کہی تو عصر کی نماز پڑھائی۔
شیخ فرماتے ہیں : اس تفصیل کے ساتھ ابراہیم بن محمد بن ابو یحییٰ منفرد ہے۔ حاتم بن اسماعیل کی حدیث جو اس بات پر دلالت کرتی ہے کہ انھوں نے خطبہ دیا ۔ پھر بلال (رض) نے اذان کہی ، مگر اس میں یہ ذکر نہیں کہ انھوں نے یہ بات نبی (صلی اللہ علیہ وآلہ وسلم) کے دوسرے خطبہ سے اخذ کی تھی۔