Sunan Al Bayhaqi: Hadith 9483

(٩٤٧٨) عمر بن خطاب (رض) فرماتے ہیں کہ ایک شخص نے عمر (رض) سے کہا : اے امیر المومنین ! ایک آیت جسے آپ اپنی کتاب میں پڑھتے ہو اگر ہم یہودیوں پر اترتی تو ہم اس دن عید مناتے ۔ آپ نے پوچھا : وہ کون سی آیت ہے ؟ اس نے کہا :” آج کے دن میں نے تمہارے لیے تمہارا دین مکمل کردیا ہے اور تم پر اپنی نعمت پوری کردی ہے اور تمہارے لیے اسلام کو بطور دین پسند کرلیا ہے، تو عمر (رض) نے فرمایا : ہم اس دن کو جانتے ہیں اور اس جگہ کو بھی جہاں یہ آیت نبی (صلی اللہ علیہ وآلہ وسلم) پر نازل ہوئی، یہ آیت آپ (صلی اللہ علیہ وآلہ وسلم) پر میدان عرفات میں جمعہ کے دن نازل ہوئی۔