Sunan Al Bayhaqi: Hadith 9506

(٩٥٠١) کریب کہتے ہیں کہ انھوں نے اسامہ بن زید (رض) سے پوچھا : مجھے بتاؤ جس رات تم رسول اللہ (صلی اللہ علیہ وآلہ وسلم) کے ردیف تھے اس دن تم نے کیسے کیا تھا ؟ کہتے ہیں : ہم اس گھاٹی سے آئے جس میں لوگ رات گزرانے کے لیے اونٹ بٹھاتے ہیں، رسول اللہ (صلی اللہ علیہ وآلہ وسلم) نے اپنی اونٹنی بٹھائی، پھر پیشاب کیا ۔ پھر وضو کا پانی منگوایا اور ہلکا پھلکا وضو کیا۔ میں نے کہا : اے اللہ کے رسول (صلی اللہ علیہ وآلہ وسلم) ! نماز، آپ (صلی اللہ علیہ وآلہ وسلم) نے فرمایا : نماز تیرے آگے ہے ، کہتے ہیں : پھر آپ سوار ہوئے حتیٰ کہ ہم مزدلفہ آئے، مغرب کی اقامت کہی گئی، پھر لوگوں نے اپنی اپنی جگہوں پر اونٹ بٹھائے اور ابھی انھوں نے کجاوے نہ کھولے تھے کہ عشا کی اقامت ہوگئی۔ پھر لوگ آزاد ہوگئے، میں نے کہا : تم نے صبح کیا کیا ؟ کہتے ہیں : فضل آپ (صلی اللہ علیہ وآلہ وسلم) کا ردیف بنا اور میں پیادہ قریش کے اگلے قافلے میں تھا۔