Sunan Al Bayhaqi: Hadith 9615

(٩٦١٠) عمران انصاری کہتے ہیں کہ عبداللہ بن عمر (رض) میری طرف آئے اور میں مکہ کے راستے میں آرام گاہ کے نیچے تھا تو انھوں نے کہا : اس آرام گاہ کے نیچے تجھے کس نے اتارا ہے ؟ میں نے کہا : میں سایہ لینے آیا ہوں تو انھوں نے کہا : اس کے علاوہ ؟ میں نے کہا : صرف سائے کے لیے ہی آیا ہوں ، انھوں نے کہا : اس کے علاوہ ؟ میں نے کہا : کچھ نہیں اس کے علاوہ ادھر آنے کا اور کوئی مقصد نہیں تو عبداللہ بن عمر (رض) نے فرمایا : جب تو منیٰ سے ان دو ٹیلوں کے درمیان ہو اور اپنے ہاتھ سے مشرق کی طرف اشارہ کیا تو وہاں پر ایک وادی ہے جس کو سرر کہا جاتا ہے، وہاں ایک آرام گاہ ہے جس کے نیچے ستر نبیوں نے آرام کیا۔