Sunan Al Bayhaqi: Hadith 9726

(٩٧٢١) عبداللہ (رض) فرماتے ہیں کہ نبی (صلی اللہ علیہ وآلہ وسلم) فتح والے دن مکہ کے بالائی حصہ سے اپنی اونٹنی پر آئے اور اسامہ بن زید (رض) آپ کے ردیف تھے ۔ آپ (صلی اللہ علیہ وآلہ وسلم) کے ساتھ بلال (رض) تھے اور دربانوں میں سے عثمان بن طلحہ (رض) بھی تھے حتیٰ کہ مسجد میں اونٹنی کو بٹھایا اور اس کو بیت اللہ کی چابی لانے کو کہا، اس نے کھولا تو رسول اللہ (صلی اللہ علیہ وآلہ وسلم) ، اسامہ، بلال اور عثمان (رض) داخل ہوئے اور لمبے دن تک اس میں ٹھہرے، پھر نکلے تو لوگ جلدی سے آگے بڑھے ۔ عبداللہ بن عمر (رض) سب سے پہلے داخل ہوئے اور انھوں نے بلال (رض) کو دروازے کے پیچھے کھڑا پایا تو ان سے پوچھا کہ نبی (صلی اللہ علیہ وآلہ وسلم) نے کہاں نماز پڑھی ہے ؟ تو انھوں نے اس جگہ کی طرف اشارہ کیا جہاں نماز پڑھی تھی، عبداللہ کہتے ہیں کہ میں یہ پوچھنا بھول گیا کہ کتنی رکعتیں پڑھی ہیں۔