Sunan Al Bayhaqi: Hadith 9838

(٩٨٣٣) ابن ابی ظبیان اپنے والد سے نقل فرماتے ہیں کہ حضرت ابن عباس (رض) فرماتے ہیں کہ جب ابراہیم (علیہ السلام) بیت اللہ کو بنانے سے فارغ ہوئے تو کہنے لگے : اے میرے رب ! میں فارغ ہوگیا ہوں تو اللہ رب العزت نے فرمایا : لوگوں میں حج کا اعلان کر دو۔ کہنے لگے : اے میرے رب ! میری آواز نہ پہنچ سکے گی ۔ اللہ تعالیٰ نے فرمایا : اعلان تم کرو آواز میں پہنچا دوں گا۔ کہنے لگے : اے میرے ! رب میں کیا کہوں ؟ اللہ تعالیٰ نے فرمایا کہو : اے لوگو ! اللہ نے تمہارے اوپر بیت اللہ کے حج کو فرض کردیا ہے۔ ان کی آواز کو آسمان و زمین کے درمیان رہنے والوں نے سن لیا، کیا آپ دیکھتے نہیں کہ لوگ زمین کے کناروں سے تلبیہ کہتے ہوئے آتے ہیں۔