(١١٠١٣) عمران بن ابی انس فرماتے ہیں : سیدنا عثمان (رض) نے کتا مارنے پر ایک آدمی کو بیس اونٹ جرمانہ لگایا ۔ امام شافعی (رح) فرماتے ہیں : میں نے اسے کہا : تمہارا کیا خیال ہے، اگر عثمان (رض) سے ثابت ہوجائے تو تو رسول اللہ (صلی اللہ علیہ وآلہ وسلم) سے ثابت شدہ احادیث کے بارے میں کوئی احتجاج نہیں کرے گا ؟ حال یہ ہے کہ عثمان (رض) سے اس کا خلاف ثابت ہے۔ اس نے کہا : بیان کیجیے، میں نے کہا : حضرت حسن سے روایت ہے۔ وہ کہتے ہیں کہ میں نے سیدنا عثمان (رض) کو خطبہ دیتے ہوئے سنا، آپ کتوں کے قتل کا حکم دے رہے تھے امام شافعی (رح) فرماتے ہیں : وہ کیسے کتوں کے قتل کا حکم دے سکتے تھے حالانکہ انھوں نے کتا قتل کرنے پر قیمت ادا کرنے کا جر مانہ لگایا تھا روایت ضعیف ہے عمران کا عثمان (رض) سے سماع ثابت نہیں ہے۔