(١١٠٥١) حضرت عبداللہ بن عباس (رض) فرماتے ہیں کہ میں نے رسول اللہ (صلی اللہ علیہ وآلہ وسلم) کو دیکھا، آپ بیت اللہ کے ایک رکن کی ساتھ بیٹھے ہوئے تھے ، پہلے آپ نے آسمان کی طرف نظر اٹھائی۔ پھر مسکرائے اور پھر تین بار فرمایا : اللہ تعالیٰ یہودیوں پر لعنت کرے ، اللہ نے جب ان پر چربی حرام کی تو انھوں نے اسے بیچا اور اس کی قیمت کھالی ، اللہ تعالیٰ جب کوئی چیز حرام کرتا ہے تو اس کی قیمت بھی حرام کردیتا ہے۔ یہی حدیث دوسری سند سے ہے۔ اس میں ابن عباس (رض) فرماتے ہیں : رسول اللہ (صلی اللہ علیہ وآلہ وسلم) مقام ابراہیم کے ساتھ بیٹھے ہوئے تھے ، آپ نے اپنی نظر آسمان کی طرف اٹھائی تو پھر بقیہ حدیث بیان کی ۔