(١١٤٦٣) ام المومنین حضرت عائشہ (رض) فرماتی ہیں : عتبہ بن ابی وقاص نے اپنے بھائی سعد بن ابی وقاص کو وصیت کی کہ زمعہ کی لونڈی کے بیٹے کو لے لینا۔ عتبہ نے کہا کہ وہ میرا بیٹا ہے۔ جب فتح مکہ کے موقع پر نبی (صلی اللہ علیہ وآلہ وسلم) آئے تو سعد نے زمعہ کی لو نڈی کے بیٹے کو پکڑا اور نبی (صلی اللہ علیہ وآلہ وسلم) کے پاس لے آئے۔ عبد بن زمعہ بھی آگئے۔ سعد نے کہا : یا رسول اللہ ! میرے بھائی کا بیٹا ہے، اس نے مجھے وصیت کی تھی کہ یہ اس کا بیٹا ہے۔ عبد بن زمعہ نے کہا : یا رسول اللہ (صلی اللہ علیہ وآلہ وسلم) یہ میرا بھائی ہے اور زمعہ کا بیٹا ہے اور اس کے بستر پر پیدا ہوا ہے۔ نبی (صلی اللہ علیہ وآلہ وسلم) نے زمعہ کی لونڈی کے بیٹے کی طرف دیکھا، وہ عتبہ بن ابی وقاص کے مشابہ تھا۔ نبی (صلی اللہ علیہ وآلہ وسلم) نے فرمایا : وہ تیرے پاس رہے گا اے عبد بن زمعہ ! اس لیے کہ وہ اپنے باپ کے بستر پر پیدا ہوا ہے۔ پھر نبی (صلی اللہ علیہ وآلہ وسلم) نے فرمایا : اے سودہ بنت زمعہ ! اس سے پردہ کیا کر، عتبہ بن ابی وقاص کے مشابہ ہونے کی وجہ سے اور سودہ بنت زمعہ نبی (صلی اللہ علیہ وآلہ وسلم) کی بیوی تھی۔