(١١٥٠) سیدنا عبداللہ بن عباس (رض) فرماتے ہیں کہ مجھ کو میمونہ (رض) نے بیان کیا کہ رسول اللہ (صلی اللہ علیہ وآلہ وسلم) نے ایک دن غم گین حالت میں صبح کی۔ میمونہ نے عرض کیا : اے اللہ کے رسول ! میں نے آج آپ کو جنبی حالت میں پایا ہے ؟ رسول اللہ (صلی اللہ علیہ وآلہ وسلم) نے فرمایا : جبرائیل نے مجھ سے وعدہ کیا تھا کہ آج رات آپ کو ملوں گا، اللہ کی قسم ! وہ وعدہ خلافی نہیں کرتے۔ اسی وجہ سے رسول اللہ (صلی اللہ علیہ وآلہ وسلم) غم گین تھے، پھر آپ (صلی اللہ علیہ وآلہ وسلم) کے دل میں کتے کے بچے کا خیال آیاجو ہمارے خیمہ کے نیچے تھا۔ آپ (صلی اللہ علیہ وآلہ وسلم) نے حکم دیا تو اس کو نکالا گیا، پھر اپنے ہاتھ میں پانی لیا اور اس جگہ پر چھینٹے مارے۔ صبح کو جبرائیل آپ (صلی اللہ علیہ وآلہ وسلم) کو ملے۔ آپ نے فرمایا : آپ نے میرے ساتھ وعدہ کیا تھا کہ کل آپ مجھے ملو گے ! انھوں نے کہا : جی ہاں ! لیکن ہم اس گھر میں داخل نہیں ہوتے جس میں کتا یا تصویر ہو۔ اس دن رسول اللہ (صلی اللہ علیہ وآلہ وسلم) نے صبح ہی کتوں کو مارنے کا حکم دے دیا، حتی کہ آپ نے چھوٹے باغ کے کتے کو بھی مارنے کا حکم دیا اور بڑے باغ کے کتے کو چھوڑیا۔