(١١٦٧٢) امام شافعی (رح) فرماتے ہیں : سزا ادب ہے۔ اللہ کی حدود میں سے حد نہیں ہے اور اس کا ترک کرنا بھی جائز ہے۔ آپ نہیں دیکھتے کچھ کام رسول اللہ (صلی اللہ علیہ وآلہ وسلم) کے زمانے میں ہوئے جو حدود میں سے نہ تھے مثلاًاللہ کے راستے میں خیانت کرنا اور اس کے علاوہ دیگر کام اور انھیں کبھی حد نہ لگی، بلکہ آپ نے معاف کردیا اور یہ بھی بیان کیا گیا ہے کہ حضرت عمر (رض) نے کسی عورت کی طرف کوئی چیز بھیجی، پھر آپ کو پتہ چلا کہ اس عورت نے وہ گم کردی ہے تو حضرت عمر (رض) نے اس بارے میں مشورہ کیا، ایک آدمی نے کہا : آپ مؤدب ہیں۔ حضرت علی (رض) نے اس سے کہا : اگر اس نے اجتہاد سے یہ بات کہی تو اس نے غلطی کی۔ اگر اجتھاد نہیں کیا تو اس نے آپ کے ساتھ دیت پر خیانت کی اور فرمایا : میرا خیال ہے کہ آپ جب تک اس کی قوم کو بتا نہ دیں اس وقت تک نہ بیٹھیں اور حضرت علی (رض) نے کہا : جو کوئی حد میں قتل ہوجائے میرے خیال میں اس کا قتل حق ہے مگر شراب کی حد میں مرنے والا۔ بیشک وہ ایسی چیز ہے کہ ہم نے اسے نبی (صلی اللہ علیہ وآلہ وسلم) کے بعد دیکھا ہے۔ جو شراب کی حد میں فوت ہوتا ہے اس کی دیت یا تو بیت المال سے ادا ہوگی یا امام (خلیفہ ) کے ذمہ ہوگی۔