(١٢١٥٠) حضرت انس بن مالک (رض) سے روایت ہے کہ انصار کے آدمیوں نے رسول اللہ (صلی اللہ علیہ وآلہ وسلم) سے اجازت طلب کی، انھوں نے کہا : اے اللہ کے رسول (صلی اللہ علیہ وآلہ وسلم) ! ہمیں اجازت دے دیں۔ ہم عباس (رض) کا فدیہ چھوڑ دیں، آپ (صلی اللہ علیہ وآلہ وسلم) نے فرمایا : اللہ کی قسم ! ایک درہم بھی نہ چھوڑنا۔ حضرت عبداللہ بن عباس (رض) اس وقت بچے تھے، مگر ان کی والدہ مسلمان ہوگئیں، چنانچہ عبداللہ بھی ماں کے اسلام کی وجہ سے مسلمان ہوگئے۔
امام بخاری (رح) فرماتے ہیں : حضرت ابن عباس (رض) اپنی والدہ کے ساتھ کمزوروں میں سے تھے، اپنے باپ کے ساتھ اپنی قوم کے دین پر نہ تھے۔