(١٢١٤٩) حضرت ابن عمر (رض) سے روایت ہے کہ جب حضرت عمر (رض) اسلام لائے تو لوگ ان کے پاس جمع ہوگئے اور کہنے لگے : عمر بےدین ہوگیا اور میں گھر کی چھت پر تھا، عاص بن وائل میرے پاس آئے جو ریشم کی قبا پہنے ہوئے تھے، کہنے لگے : عمر بےدین ہوگئے لیکن میں نے اسے پناہ دی ہوئی ہے۔ ابن عمر (رض) کہتے ہیں : لوگ بکھر گئے، میں نے بڑا تعجب کیا اس دن آپ کی عزت پر۔
عمر بن خطاب (رض) اسلام لائے اور عبداللہ بن عمر (رض) ابھی بچے تھے، وہ بھی عمر (رض) کی وجہ سے مسلمان ہوئے اور یہ اس حدیث کی بنا پر ہے جو نبی (صلی اللہ علیہ وآلہ وسلم) سے ثابت ہے، ابن عمر (رض) فرماتی ہیں کہ رسول اللہ (صلی اللہ علیہ وآلہ وسلم) نے احد کے دن مجھے پیش کیا اور میں اس وقت (١٤) چودہ سال کا تھا، آپ (صلی اللہ علیہ وآلہ وسلم) نے مجھے چھوٹا خیال کیا اور کہا گیا ہے کہ حفصہ اور عبداللہ دونوں اپنے باپ سے پہلے مسلمان ہوئے اور عبداللہ اس وقت چھوٹے تھے، ان کا اسلام باپ کے اسلام کی وجہ سے ہوا۔
اور عباس بن عبدالمطلب (رض) بدر کے دن مشرکوں کے ساتھ نکلے اور قیدی بنا لیے گئے، یہاں تک کہ فدیہ دیا اور اسلام قبول کرلیا۔