(١٢١٦٦) حضرت ابن عباس (رض) سے روایت ہے کہ رسول اللہ (صلی اللہ علیہ وآلہ وسلم) مکہ میں پندرہ سال ٹھہرے وہ آواز سنتے تھے اور روشنی دیکھتے تھے، سات سال کی عمر میں اور آٹھویں برس آپ (صلی اللہ علیہ وآلہ وسلم) پر وحی کی گئی اور مدینہ میں آپ (صلی اللہ علیہ وآلہ وسلم) دس سال ٹھہرے۔
امام احمد (رح) فرماتے ہیں : اسی کی طرف حسن گئے ہیں کہ جس وقت نبی (صلی اللہ علیہ وآلہ وسلم) پر مکہ میں وحی نازل کی گئی اس سے ظاہر ہوتا ہے کہ حضرت علی (رض) کا اسلام سات سال بعد کا ہے، پس نبی (صلی اللہ علیہ وآلہ وسلم) کا مکہ میں ٹھہرنا وحی کے بعد آٹھ سال کا عرصہ ہے اور مدینہ میں ١٠ سال ہے، حجاج بن منہال کی روایت میں سات سال ہے، وہ روشنی دیکھتے تھے اور آواز سنتے تھے، آپ (رض) آٹھ سال کے تھے، جب آپ (نبی (صلی اللہ علیہ وآلہ وسلم) ) کی طرف وحی کی گئی اور مدینہ میں آپ (صلی اللہ علیہ وآلہ وسلم) نے دس سال قیام کیا۔
امام احمد (رح) فرماتے ہیں، حضرت حسن بصری (رح) وغیرہ نے مکہ میں آپ (صلی اللہ علیہ وآلہ وسلم) پر وحی سے اندازہ لگایا ہے کہ حضرت علی (رض) سات سال کی عمر کے بعد مسلمان ہوئے (یعنی جب اسلام لائے تو عمر سات سال سے زیادہ تھی) اور یہ آپ (صلی اللہ علیہ وآلہ وسلم) پر وحی کے بعد ہے، مکہ میں وحی کے بعد آٹھ سال رہے تو اس لحاظ سے ان کے قول کے مطابق حضرت علی (رض) کی عمر شہادت کے وقت تریسٹھ برس تھی تو اس کا آغاز ہجرت نبوی کے چالیسویں سال سے ہے) ، جب وہ مسلمان ہوئے تو ان کی عمر پندرہ سال تھی، نبی (صلی اللہ علیہ وآلہ وسلم) کے مکہ قیام اور وحی کے بعد مشہور روایات کافی تعداد میں ہیں۔