(١٢٣١٧) ہزیل بن شرحبیل فرماتے ہیں : ایک آدمی ابو موسیٰ اور سلمان بن ربیعہ (رض) کے پاس، آیا اس نے ان سے سوال کیا کہ بیٹی، پوتی اور حقیقی بہن کے بارے میں کیا حکم ہے ؟ دونوں نے کہا : بیٹی کے لیے نصف اور باقی ماندہ حقیقی بہن کے لیے ہے اور اسے کہا : جاؤ عبداللہ (رض) کے پاس اس سے سوال کرو، وہ بھی ہماری متابعت کریں گے۔ وہ آدمی عبداللہ (رض) کے پاس آیا اور سارا معاملہ ذکر کیا، عبداللہ (رض) نے فرمایا : میں اس وقت گمراہ ہوں گا اور ہدایت پر نہ ہوں گا، لیکن میں اس بارے میں رسول اللہ (صلی اللہ علیہ وآلہ وسلم) والا فیصلہ کروں گا، بیٹی کے لیے نصف پوتی کے لیے سدس، دو تہائی کو مکمل کرنے والا اور بہن کے لیے جو باقی بچے۔