(١٢٦٤٨) حضرت ابوہریرہ (رض) فرماتے ہیں : جب آیت { وَأَنْذِرْ عَشِیرَتَکَ الأَقْرَبِینَ } نازل ہوئی تو رسول اللہ (صلی اللہ علیہ وآلہ وسلم) کھڑے ہوئے، آپ (صلی اللہ علیہ وآلہ وسلم) نے فرمایا : اے قریش کی جماعت ! تم اپنے لیے خود اللہ سے خرید لو، میں تمہیں کچھ کفایت نہیں کروں گا، اے بنی عبد مناف ! میں تمہارے کچھ کام نہ آسکوں گا، اے عباس بن عبدالمطلب ! میں تمہارے کچھ کام نہ آسکوں گا، اے صفیہ رسول اللہ (صلی اللہ علیہ وآلہ وسلم) کی پھوپھی میں تیرے کچھ کام نہ آسکوں گا، اے فاطمہ بنت محمد ! مجھ سے جو چاہے سوال کرلے، میں اللہ سے تمہارے کچھ کام نہ آسکوں گا۔