(١٢٧٣٥) شعبی کہتے ہیں : جب فاطمہ (رض) بیمار ہوئیں تو ابوبکر (رض) ان کے پاس آئے۔ اجازت مانگیتو حضرت علی (رض) نے کہا : اے فاطمہ ! ابوبکر آئے ہیں، آپ کے پاس آنے کی اجازت مانگ رہے ہیں، فاطمہ نے کہا : آپ پسند کرتے ہیں کہ اجازت دے دیں۔ علی (رض) نے کہا : ہاں، پس فاطمہ نے اجازت دے دی۔ وہ فاطمہ کے پاس آئے اس کو راضی کیا اور کہا : میں نے نہیں چھوڑا، گھر، مال، اہل، خاندان مگر صرف اللہ کی رضا کے لیے اور رسول (صلی اللہ علیہ وآلہ وسلم) کی رضا کے لیے اور تم اہل بیت کی رضا کے لیے۔ پھر اس کو راضی کیا، وہ راضی ہوگئیں۔