(١٢٩٢٠) سعید بن عاص نے خبر دی کہ رسول اللہ (صلی اللہ علیہ وآلہ وسلم) نے ابان بن سعید کو کسی سریہ پر مدینہ سے نجد کی طرف بھیجا پھر ابان اور ان کے ساتھی رسول اللہ (صلی اللہ علیہ وآلہ وسلم) کے پاس خیبر فتح ہونے کے بعد آئے ان لوگوں کے گھوڑے کمزور تھے۔ ابان نے کہا : اے اللہ کے رسول (صلی اللہ علیہ وآلہ وسلم) ! ہمیں بھی کچھ دیں۔ ابوہریرہ (رض) کہتے ہیں : میں نے کہا : اے اللہ کے رسول ! ان کے لیے حصہ نہ رکھیں۔ ابان نے کہا : اے وبر : تیری حیثیت تو یہ ہے کہ گمراہ چوٹی سے تو ہمارے پاس آیا ہے، نبی (صلی اللہ علیہ وآلہ وسلم) نے فرمایا : اے ابان ! بیٹھ جا اور آپ نے ان کے لیے حصہ نہ نکالا۔