(١٢٩٦١) عبدالرحمن بن ابی لیلیٰ کہتے ہیں : میں نے علی (رض) سے سنا، وہ کہتے تھے : مجھے رسول اللہ (صلی اللہ علیہ وآلہ وسلم) نے خمس الخمس دیا تھا، میں نے ابوبکر اور عمر (رض) کی زندگی میں بھی اور رسول اللہ (صلی اللہ علیہ وآلہ وسلم) کی زندگی میں بھی اسی جگہ پر رکھا۔ ایک حدیث میں ہے : مال لایا گیا، آپ (صلی اللہ علیہ وآلہ وسلم) نے مجھے بلایا، آپ (صلی اللہ علیہ وآلہ وسلم) نے کہا : اس کو پکڑ لو۔ میں نے کہا : میں اس کا ارادہ نہیں رکھتا۔ آپ (صلی اللہ علیہ وآلہ وسلم) نے پھر کہا : اس کو پکڑ لو تم اس کے زیادہ حق دار ہو۔ میں نے کہا : ہم اس سے بے پروا ہیں، پس آپ نے اسے بیت المال میں داخل کردیا۔