(١٣٠٤٥) عروہ بن زبیر نے بیان کیا کہ مروان بن حکم اور مسور بن مخرمہ نے خبر دی کہ جب رسول اللہ (صلی اللہ علیہ وآلہ وسلم) نے لوگوں سے ہوازن کے قیدیوں سے متعلق اجازت چاہی تو کہا : میں نہیں جانتا تم میں سے کس نے اجازت دی ہے اور کس نے نہیں دی۔ پس جاؤ اور ہماری طرف تمہارے بڑے لوگ معاملہ لے کر آئیں، پس لوگ لوٹ گئے، انھوں نے اپنے بڑوں سے بات کی، پھر وہ رسول اللہ (صلی اللہ علیہ وآلہ وسلم) کے پاس آئے کہ انھوں نے خوشی سے اجازت دے دی ہے۔