(١٣١١٥) سیدنا ابوہریرہ (رض) فرماتے ہیں کہ جب نبی (صلی اللہ علیہ وآلہ وسلم) فوت ہوگئے اور ابوبکر (رض) کو خلیفہ بنایا گیا تو عرب کے بعض لوگوں نے زکوۃ دینے سے انکار کردیا، عمر (رض) نے فرمایا : اے ابوبکر ! تو ان لوگوں سے کیسے لڑائی کرے گا، حالانکہ نبی (صلی اللہ علیہ وآلہ وسلم) نے فرمایا تھا : مجھے لوگوں سے لڑائی کا حکم دیا گیا ہے یہاں تک کہ وہ لا الٰہ الا اللہ پڑھ لیں، جس بندے نے لا الہ الا اللہ پڑھ لیا اس نے مجھ سے اپنا مال اور اپنی جان بچا لی مگر اس کا حق اور حساب اللہ تعالیٰ پر ہے۔ ابوبکر (رض) نے فرمایا کہ اللہ کی قسم ! میں اس بندے کے خلاف ضرور لڑائی کروں گا، جس نے نماز اور زکوۃ میں فرق کیا۔ بیشک زکوۃ مال کا حق ہے، اللہ کی قسم ! اگر وہ مجھ سے ایک رسی بھی روک لیں گے جو وہ آپ (صلی اللہ علیہ وآلہ وسلم) کے دور میں دیا کرتے تھے تو میں ان سے لڑائی کروں گا، عمر (رض) نے کہا کہ اللہ کی قسم ! میں نے دیکھا، ابوبکر (رض) کے سینے کو اللہ پاک نے لڑائی کے لیے کھول دیا ہے تو میں نے جان لیا کہ یہ حق ہے۔