(١٣٢٠٩) بنو اسد کا ایک آدمی کہتا ہے کہ میں اور میری گھر والی بقیع الغرقد میں آئے، مجھے میری گھر والی نے کہا کہ تو نبی (صلی اللہ علیہ وآلہ وسلم) کے پاس جا اور آپ سے کوئی چیز مانگ کر لا، ہم کھائیں، میں نبی (صلی اللہ علیہ وآلہ وسلم) کے پاس گیا۔ میں نے ایک آدمی کو دیکھا جو سوال کررہا تھا اور نبی (صلی اللہ علیہ وآلہ وسلم) فرما رہے تھے : میرے پاس کوئی چیز نہیں ہے جو میں تجھے دوں وہ آدمی جب گیا تو وہ غصے میں تھا اور وہ یہ کہہ رہا تھا : اللہ کی قسم ! تو اس کو دیتا ہے جس کو چاہتا ہے، نبی (صلی اللہ علیہ وآلہ وسلم) نے فرمایا : وہ غصے ہو رہا ہے اور میرے پاس کوئی چیز ایسی نہیں ہے جو میں اسے دوں، فرمایا : جس آدمی نے تم سے سوال کیا اور حالانکہ اس کے پاس ایک اوقیہ یا اس کے برابر کی کوئی چیز ہے تو اس نے چمٹ کر سوال کیا ہے، اسدی کہتے ہیں : لقمہ میرے ہاں اوقیہ سے بہتر ہے اور اوقیہ چالیس درہم کا ہوتا ہے، اس (آدمی) نے کہا : تو میں لوٹا اور اس کے متعلق کوئی سوال نہ کیا۔ اس کے بعد رسول اللہ (صلی اللہ علیہ وآلہ وسلم) کے پاس جو اور کش مش پیش کیا گیا تو اس میں سے ہمیں بھی دیا گیا، یا فرمایا : یہاں تک کہ اللہ تعالیٰ نے ہمیں غنی کردیا۔